FLASH
Shkruar nga Pamfleti
Katër fitore radhazi për Atalantën në Serinë A dhe një tjetër hap i rëndësishëm për objektivin Champions. Skuadra bergamaske triumfoi me rezultatin 1-4 në fushën e Xhenovës, falë golave të De Ketelaere, Kopmeiners, Zapakostës dhe Ture, ndërsa për vendësit Malinkovski vendosi baraspeshën e përkohshme, por kjo nuk mjaftoi që kuqeblutë të dilnin nga kjo përballje me pikë.
Titullar i padiskutueshëm në këtë sfidë ishte dhe Berat Gjimshiti, kapiteni i Kombëtares, tashmë është një lider i konfirmuar te skuadra zikaltër, duke dhënë gjithmonë siguri në repartin difensiv. Edhe në këtë sfidë, Gjimshiti ishte një nga më të dalluarit e mbrojtjes.
Falë kësaj fitoreje, Atalanta ngjitet në kuotën e 42 pikëve, në 23 ndeshje, 3 më shumë se Bolonja e vendit të pestë dhe 7 më pak se Milani i vendit të tretë. Në sfidën e radhës, bergamaskët do të presin Sasuolon në shtëpi.
Lini një Përgjigje