FLASH
Shkruar nga Pamfleti
Pas tre ndeshjeve të para të fazës së 1/16-ve të Kupës së Italisë të zhvilluara të martën sonte ka vijuar programi i këtij kompeticioni, ku janë zhvilluar edhe dy përballje të tjera.
Më konkretisht Çezena dhe Udineze kanë arritur të sigurojnë fitoret e radhës, duke siguruar në këtë mënyrë kalimin në raundin e 1/8.
Kështu, në “Stadio Romeo Anconetani”, Çezena e Kristjan Shpendit ka arritur një fitore të madhe duke mundur minimalisht, 1-0, vendasit e Pisa me golin e vetëm të sfidës që erdhi në minutën e 54, nga Celia, ndërsa për “bomberin” shqiptar pati vetëm rreth 20 minuta në pjesën e dytë, teksa e nisi sfidën nga stoli.
Në krahun tjetër, në “Stadio Friuli”, vendasit e Udinezes kanë fituar me rezultatin e thellë, 3-1 përballë skuadrës së Salernitana me treshen Bijol, Luka e Ekelenkamp që shënuan nga një gol në minutat 20, 44 e 47, për të nxjerrë “të pavlefshëm” golin e Simi.
Ndërkaq, në fazën e 1/8, Çezena do të ndeshet me “zikaltërit” e Atalantës, ndërsa Udineze me ata të Interit.
Lini një Përgjigje