FLASH
Shkruar nga Pamfleti
Sekretari amerikan i Shtetit, Marco Rubio, përcolli një mesazh urimi për popullin e Kosovës me rastin e 18-vjetorit të Pavarësisë, në emër të Shteteve të Bashkuara të Amerikës.
Në deklaratën e publikuar nga Departamenti i Shtetit, ai riafirmoi mbështetjen e SHBA-së për sovranitetin dhe integritetin territorial të Kosovës. Rubio nënvizoi se Uashingtoni synon të thellojë bashkëpunimin ekonomik me Prishtinën, me qëllim rritjen e prosperitetit për të dy vendet.
Ai vlerësoi gjithashtu angazhimin e Kosovës në mbështetje të përpjekjeve amerikane për përballimin e sfidave globale. Në të njëjtën kohë, ai përmendi rolin e Kosovës si anëtare themeluese e Bordit të Paqes, duke e cilësuar këtë si një element të rëndësishëm të angazhimit ndërkombëtar të vendit.
Në përfundim të mesazhit, Rubio shprehu gatishmërinë për forcimin e mëtejshëm të bashkëpunimit në vitet e ardhshme dhe konfirmoi qëndrimin e SHBA-së në krah të Kosovës në procesin e ndërtimit të një të ardhmeje të sigurt dhe të qëndrueshme.
"Shtetet e Bashkuara mbeten të palëkundura në mbështetjen e tyre për sovranitetin dhe integritetin territorial të Kosovës, dhe mezi presim të zgjerojmë lidhjet ekonomike që do të rrisin prosperitetin e të dy kombeve tona.
Ndërsa Kosova shënon këtë përvjetor të rëndësishëm, mezi presim një bashkëpunim edhe më të fortë në vitet në vijim. Shtetet e Bashkuara qëndrojnë me Kosovën ndërsa ajo vazhdon të ndërtojë një të ardhme të sigurt dhe të begatë”, thuhet ne mesazhin e Rubios.
Lini një Përgjigje