FLASH
Shkruar nga Pamfleti
Misioni i KFOR nuk ka ende një qëndrim mbi atë që ndodhi dje në kufirin mes Kosovës dhe Serbisë. 3 policë të Kosovës u rrëmbyen në mënyrë poshtëruese dhe deri më tani i vetmi qëndrim i fortë ka ardhur nga DASH, pasi është kërkuar që të lirohen 3 policët.
Të gjithë presin nga KFOR një qëndrim se çfarë ka ndodhur realisht, por misioni i NATO nuk ka një përgjigje. Të paktën kështu thuhet në një reagim për mediat. Regimi i tyre vjen dhe si përgjgije ndaj Albin Kurtit. Ky i fundit akuzoi KFOR se nuk përmbushi misionin.
“Misioni i KFOR-it i drejtuar nga NATO nuk ishte në zonë kur tre policë të Policisë së Kosovës u arrestuan dje nga Policia e Serbisë. KFOR-i ka dërguar një ekip në zonë dhe ka vendosur kontakte me përfaqësuesit e institucioneve në Kosovë dhe të autoriteteve serbe. KFOR-i është gjithashtu në kontakt të rregullt me misionin e udhëhequr nga BE-ja për Sundimin e Ligjit, EULEX.
Ne u bëjmë thirrje të dyja palëve që të ulin menjëherë tensionet dhe të përmbahen nga veprimet e njëanshme që mund të çojnë në përshkallëzim të mëtejshëm.
KFOR-i po monitoron situatën dhe vazhdon të zbatojë plotësisht mandatin e tij të OKB-së – bazuar në Rezolutën 1244 të Këshillit të Sigurimit të Kombeve të Bashkuara të vitit 1999 – për të siguruar një mjedis të sigurt dhe të sigurt dhe lirinë e lëvizjes për të gjitha komunitetet në Kosovë. Ai gjithashtu vazhdon të ofrojë kornizën e nevojshme të sigurisë për të çuar përpara dialogun e udhëhequr nga BE-ja për normalizimin e marrëdhënieve midis Beogradit dhe Prishtinës”, shprehet KFOR.
Lini një Përgjigje