FLASH
Shkruar nga Pamfleti
Kreu i partisë Lëvizja Bashkë, Arlind Qori ishte këtë të enjte i ftuar në “Now me Erla Mëhillin” në Euronews Albania ku ka komentuar gjetjet e Barometrit, sipas të cilave 52.1% e qytetarëve kanë besim te ky institucion.
Qori tha ndër të tjerat se kryeministri Edi Rama dhe kreu i opozitës Sali Berisha, tashmë kanë frikë për lirinë e tyre.
“Besoj se të gjithë këta kanë frikë se do të humbin lirinë. Nga ana tjetër, Rama ka parë reagimin në masë të njerëzve. Sa më shumë ai i kundërvihej prokurorëve dhe gjykatësve aq më shumë të egërsuar ishin njerëzit ndaj Ramës. E provoi me patronazhistët te SPAK-u, edhe më i fortë reagimi shoqëror.
E provoi me Vipa-t që dilnin mbronin Veliajn, njerëzit u ndezën akoma më keq. Atëherë kuptoi se duhet të ndryshojë strategji komunikimi. Tani tenton të “përqafojë” Altin Dumanin e SPAK-un, por është si përqafimi i gjarprit. Ai dhe Sali Berisha e kanë bërë të qartë që nuk do tolerojnë institucione vërtetë të pavarura”, tha Arlind Qori.
Lini një Përgjigje