FLASH
Shkruar nga Pamfleti
Nga selia e PD-së, grupi parlamentar demokrat është nisur drejt Kuvendit, në formën e një marshimi të shkurtër, ndërsa janë shoqëruar nga militantët dhe mbështetësit e opozitës, që janë thirrur në një protestë para Parlamentit.
Rreth një orë më parë, në mjediset e Kuvendit, aty ku do të mbahet edhe seanca plenare për imunitetin e Belinda Ballukut, kanë shkuar edhe ligjvënësit socialistë.
Në hyrje të Kuvendit, kreu demokrat Sali Berisha, tha se qytetarët kërkojnë dorëheqjen e Edi Ramës. Ai tha se Edi Rama është njeriu më i poshtëruar jo vetëm në hapësirën e BE-së, por edhe më gjerë.
“Edi Rama po shkelmon ligjet dhe Kushtetutën për të mbrojtur vjedhjet e tij”, tha Berisha. Ai akuzoi Ramën se po i mbyll dyert e Bashkimit Europian për Shqipërinë.
Berisha tha se opozita do të votojë për heqjen e mandatit dhe arrestimin e Belinda Ballukut. Por sipas tij, kjo nuk zgjidh krizën që ka hyrë Shqipëria, pasi kriza zgjidhet vetëm me largimin e Edi Ramës.
Lini një Përgjigje