FLASH
Shkruar nga Pamfleti
Deputeti demokrat Agron Gjekmarkaj, duke analizuar situatën brenda PD-së ai shpjegoi edhe marrëdhënien Berisha-Basha.
Në një intervistë për “A2CNN”, ai tha se Berisha nuk e zgjodhi Bashën në krye të partisë për shkak të virtyteve të tij, por për shkak se dinte si ta kontrollonte nëpërmjet veseve që kishte.
Por sipas Gjekmarkajt, Saliut planik nuk i doli ashtu siç ai kishte menduar, pasi ai besonte se Basha do ta ndiqte deri në fund, por gaboi.
“Bashën nuk e ka zgjedhur për virtytet e veta. E ka zgjedhur se e ka kontrolluar nëpërmjet veseve të tij, por parashikimi nuk i ka dalë i plotë. Ka menduar që Basha do ta ndjekë deri në fund, në çdo situatë, dhe këtu është gabuar. Berisha u cenua në interesat e veta në raport me ndërkombëtarët, në krenarinë e vet historike…”, tha Gjekmarkaj.
Deputeti demokrat shtoi se Berisha ka menduar rikthimin në politikë për statusin e vet dhe jo për PD-në.
“Ai ia ka dalë të kthehet si faktor, ka 510 mijë vota nga pas. Janë vota pa të cilat nuk mund të vish dot kurrë në pushtet”, nënvizoi Gjekmarkaj.
Lini një Përgjigje