FLASH
Shkruar nga Pamfleti
Senatori amerikan tha se mbi 100 mijë shqiptarë po protestojnë kundër projektit të Jared Kushner, ndërsa kryeministri iu përgjigj duke e akuzuar për mbështetje te "titujt dhe gjysmë të vërtetat".
Një reagim i senatorit amerikan Bernie Sanders për protestat në Shqipëri ka sjellë edhe kundërpërgjigjen e kryeministrit Edi Rama, i cili i ka kushtuar një mesazh të gjatë në rrjetin social “X”, duke kundërshtuar pretendimet e demokratit amerikan për projektin e Jared Kushner në bregdetin shqiptar.
Sanders shkroi se mbi 100 mijë shqiptarë kanë dalë në rrugë kundër një resorti luksoz që sipas tij po planifikohet nga dhëndri i Donald Trump, Jared Kushner, dhe partnerët e tij nga Katari.
“Në Shqipërinë e vogël, mbi njëqind mijë njerëz kanë dalë në rrugë kundër një resorti luksoz shkatërrues për mjedisin, të planifikuar nga Jared Kushner dhe partnerët e tij miliarderë nga Katari. Kjo është ajo që duket si oligarkia globale dhe populli po thotë JO”, shkroi Sanders.
Reagimi i senatorit amerikan mori menjëherë përgjigje nga kryeministri Rama, i cili e akuzoi atë se po gjykon mbi bazën e titujve mediatikë dhe jo të fakteve.
“Me gjithë respektin e duhur, Senator, Shqipëria është një vend, jo një rresht në një argument politik amerikan. E vlerësoj sinqerisht interesin tuaj, por faktet në terren janë mjaft të ndryshme nga titujt kryesorë. Dhe kur titujt kryesorë bëhen burim mirëkuptimi, gjysmë të vërtetat kanë tendencë të rriten në gënjeshtra gjithnjë e më të mëdha çdo ditë, të amplifikuara nga vetë platformat për fuqinë shtrembëruese të të cilave keni shpenzuar kaq shumë kohë duke ritur ndërgjegjësimin publik. Fakti që më pak se 10 mijë protestues disi bëhen 100 mijë në postimin tuaj është ndoshta amplifikimi më pak i dëmshëm i zemërimit mes shumë të tjerave”, shkroi Rama.
Kryeministri këmbënguli se nuk ekziston ende një projekt i miratuar dhe se debati po zhvillohet mbi diçka që sipas tij nuk është finalizuar.
“Ende nuk ka një projekt të miratuar, asnjë leje ndërtimi dhe asnjë dizajn përfundimtar. Ajo që ekziston sot është një proces planifikimi që përfshin disa nga arkitektët, projektuesit e peizazhit, ekspertët mjedisorë dhe konsulentët kryesorë të ndikimit social në botë, të cilët punojnë në një vizion për turizëm të qëndrueshëm të nivelit të lartë me përfitime të matshme mjedisore, më shumë hapësirë të gjelbër, më shumë pemë dhe rezultate më të forta të biodiversitetit. Mosmarrëveshja është legjitime. Shqyrtimi mjedisor është i mirëpritur. Kështu duhet të funksionojnë demokracitë”, vijoi ai.
Më tej, Rama tha se vendimet për zhvillimin e bregdetit shqiptar do të merren nga institucionet shqiptare dhe jo nga debatet politike jashtë vendit.
“Ajo që ngrihet në bregdetin e Shqipërisë do të vendoset nga vizioni ynë, ligjet tona, institucionet tona dhe do të debatohet nga populli ynë. Por ajo kurrë nuk do të bëhet peng i frikës së ëndrrave të mëdha, të menduarit të madh dhe të investimit të madh. Sfida jonë nuk është të zgjedhim midis natyrës dhe zhvillimit, por të provojmë se natyra mund të rigjenerohet dhe zhvillimi mund të rishpiket duke ndërtuar me natyrën dhe jo kundër saj, për të mirën si të njerëzve ashtu edhe të mjedisit”, deklaroi kryeministri.
Në fund të reagimit të tij, Rama e akuzoi senatorin amerikan për importim të debateve ideologjike në Shqipëri dhe e ftoi të vizitojë vendin.
“Ajo që nuk na duhet është zemërimi i importuar, reflekset ideologjike apo transformimi i Shqipërisë në një mbështetëse në teatrin politik të dikujt tjetër. Faktet të parat. Gjithmonë. Sepse Shqipëria nuk është një sfond për betejat politike të huaja. Është një vend i vogël, por krenar e i lirë që bën zgjedhjet e veta dhe përcakton të ardhmen e vet. Dhe duke thënë të gjitha këto, shpresoj se do ta mbani mend Shqipërinë edhe pasi titujt të kalojnë. Edhe më mirë, shpresoj se do të vini dhe do ta shihni vetë vendin tonë të bukur”, përfundoi Rama.
Shqiperia nuk eshte e jotja apo e Jarred Kushner... Nuk ta ka lene as kristaqi e as Neta.. Hajde mos e zgjat
Perroi psiqik me gjysem te verteta qe sic ka qejf te thote edhe vete jane burimi i genjeshtrave me te medha.
Gjithe ekipi i Dinamos e mbante per kaqol e psikopat, nje pikture te hajrit nuk beri, i mbeti dopjo gjashta e kryeministrit na dore se e ndihmoi fati qe nuk diti ta vleresonte. Nuk shtyhet jeta me mufka e bacaleta o plehre. Merr gjerat personale e ato pikturat e ik nga zyra pa te ardhur populli te zere me shkelma. Kjo nuk do te thote qe ai kryemuti tropoxhan qe rri urte si muti ne shi do zhyse pirunin me ne taven e popullit te ndershem.