FLASH
Shkruar nga Pamfleti
Ministrja e Financave Delina Ibrahimaj prezantoi këtë të enjte në Kuvend projektligjin për rritjen e pagave në institucionet publike, duke ftuar deputetët ta votojnë.
Rritja e pagave të Presidentit, Kryeministrit, ministrave, deputetëve dhe nëpunësve të administratës është ndryshimi më i madh që është bërë në politikën buxhetore, sipas ministres.
“Sot ndihem e privilegjuar që vij para jush me finalizimin e një pune të gjatë që solli një reformë të plotë të pagave në administratën publike. Besojmë se do të pasohet me rritje edhe në sektorin privat. Bazat e kësaj reforme nisën me rritjen e pagës minimale, që do të vazhdojë të rritet deri në vlerën 45 mijë lekë”.
aga mesatare publike në vitin e ardhshëm pritet të arrijë në 900 euro, tha Ibrahimaj.
“Kjo reformë nuk nisi nga hiçi. Kemi vite që punojmë për të. Por, duhet të plotësoheshin kushtet ekonomike që kjo reformë të zbatohet.
Rritja e pagave parashikon dhe indeksimin me inflacionin. Ky është ndryshimi më i madh që kemi bërë ndonjëherë i politikës buxhetore”.
Ndryshe nga vendimi i Komisionit Parlamentar të Ligjeve, ai i Ekonomisë vendosi që të rrisë pagat për ministrat dhe deputetët së bashku me 130 mijë punonjësit e administratës shtetërore dhe 250 funksionarët e lartë.
Me ndryshimet e miratuara, paga e Kryetarit të Kuvendit dhe Kryeministrit shkon në rreth 393 mijë Lekë, e ministrit në 318 mijë Lekë, ndërsa e deputetit në 310 mijë Lekë.
Lini një Përgjigje