FLASH
Shkruar nga Pamfleti
Kolegji Zgjedhor ka rrëzuar tentativat për të bllokuar zgjedhjet e 4 gushti në Himarë. Komisioni Rregullator nuk miratoi vendimin mbi afat dhe procedurat, pasi dy anëtarë të propozuar nga opozita votuan kundër.
Sipas tyre zgjedhjet më 4 gusht janë të paligjshme dhe dolën kundër Presidentit. PS ju drejtua Kolegjit Zgjedhor dhe mësohet se Kolegji ka caktuar afatet për zgjedhjet e 4 gushtit.
“Partitë të bëjnë kërkesë në KQZ për regjistrim deri më 22 korrik ora 16:00. Koalicionet afat për t'u regjistruar në KQZ deri më 24 korrik ora 12:00. Fushata zgjedhore për zgjedhjet në Himarë fillon më 27 korrik. Dokumentet e kandidimit paraqiten në KZAZ për verifikim deri më 25 korrik”, thuhet në vendimin e Kolegjit Zgjedhor.
Në mbledhjen e 4 korrikut në Komisionin Rregullator të KQZ nuk u arrit dakordësia për të miratuar afatet e zgjedhjeve të Himarës. Anëtarët votuan 3 pro dhe 2 kundër, ndërkohë që për miratimin e pr.vendimit duhej një shumicë votash 4 me 1.
Shkak për mos miratimin u bë debati mes anëtarëve për vlefshmërinë e dekretit të presidentit për shpalljen e zgjedhjeve, si edhe vendimi i KQZ për heqjen e mandatit të Fredi Belerit si kryebashkiak i Himarës.
Lini një Përgjigje