FLASH
Shkruar nga PamfletiPor ndërsa Europa ngre alarmin, qeveria Rama vepron në drejtim të kundërt në terren. Me votat e PS-së, Kuvendi miratoi ndryshimet në Kodin Penal që parashikojnë deri në 3 vite burg për parkim të dyfishtë, duke kriminalizuar qytetarin e zakonshëm dhe duke mbushur edhe më tej qelitë e paraburgimit.
Kryeministri Edi Rama ka zgjedhur të shpërndajë në Facebook këtë të premte, deklaratën e Drejtorit të Përgjithshëm për të Drejtat e Njeriut dhe Sundimin e Ligjit në Këshillin e Europës, Gianluca Esposito, lidhur me abuzimin e praktikës së paraburgimit në Shqipëri.
Një deklaratë që në fakt përbën një “qortim” të hapur nga Europa, por që Rama e përdor si material propagandistik, duke u përpjekur të shfaqet si reformator i një sistemi që drejtohet prej vetë tij prej më shumë se një dekade.
Esposito ishte i qartë në Tiranë duke thënë se ka mbipopullimi i burgjeve është alarmant, paraburgimi përdoret në mënyrë të tepruar dhe të pajustifikuar, ndërsa gjykatat shqiptare, veçanërisht ato të shkallës së parë, e kanë kthyer arrestin pa gjyq në rregull, jo në përjashtim. Sipas tij, paraburgimi duhet të jetë masë ekstreme, e justifikuar vetëm kur ekzistojnë rrethana konkrete dhe jo automatizëm penal.
Madje Gjykata e Strasburgut thekson se barra e provës nuk mund t’i ngarkohet qytetarit të ndaluar, por shtetit, i cili duhet të provojë pse dikush duhet të rrijë pas hekurave pa një vendim përfundimtar.
Në videon e shpërndarë, Rama shkruan se “arresti me burg pa gjyq ka sjellë rezultatin skandaloz të një vendi europian me më shumë të paraburgosur sesa të dënuar”, duke pranuar në heshtje dështimin e sistemit që vetë ka ndërtuar.
Por ndërsa Europa ngre alarmin, qeveria Rama vepron në drejtim të kundërt në terren. Me votat e PS-së, 85 vota pro dhe 9 kundër, pas një seance maratonë Kuvendi miratoi ndryshimet në Kodin Penal që parashikojnë deri në 3 vite burg për parkim të dyfishtë, duke kriminalizuar qytetarin e zakonshëm dhe duke mbushur edhe më tej qelitë e paraburgimit. , mes të tjerash depenalizimi i shpifjes për gazetarët, që mazhoranca e konsideroi arritje për lirinë e shprehjes, ndërsa opozita e kundërshtoi ashpër si të paplotë.
Pra, nga njëra anë Rama shpërndan qortimin e Këshillit të Europës, nga ana tjetër prodhon ligje që e thellojnë problemin. Një kontradiktë tipike e qeverisjes “europiane” vetëm në Facebook, ndërsa në realitet drejtësia ndëshkuese bie mbi qytetarin e thjeshtë.
Lini një Përgjigje