FLASH
Shkruar nga Pamfleti
Ish-kryeministri Sali Berisha i cili prej 30 dhjetorit 2023 ndodhet në arrest shtëpie, ka komentuar impaktin që mund të ketë zgjedhja e Donald Trump si president i Shteteve të Bashkuara të Amerikës për Shqipërinë.
I ftuar në një lidhje direkte në emisionin “Now” në ‘Euronews Albania’, ndër të tjera, Berisha tha se Partia Demokratike do bëjë kërkesë në Komisionin e Venecias që të rishqyrtojë tërësisht reformën në drejtësi në Shqipëri, në mënyrë që sipas tij “ti jepet fund batërdisë”.
“Partia Demokratike ka në plan pa diskutim angazhimin e komisionit të Venecias për rishqyrtim tërësor të kësaj batërdie e cila në fund të fundit u mohoi qytetarëve shqiptarë të drejtën e një procesi ligjor të drejtë e të duhur.
Ajo asgjësoi sigurinë ligjore, shtyllën kryesore të shtetit ligjor dhe krijoi monstruozitetin më politik në akt-akuzë të njëjtë siç ka ekzistuar gjatë diktaturës”, tha Berisha.
Lini një Përgjigje