FLASH
Shkruar nga Pamfleti
Prokuroria ka kërkuar burgim përjetshëm për Mexhit Picarin, i cili 2 vite më parë vrau Kudret Saliajn, ish-dhëndrin e tij.
Saliaj u qëllua për vdekje në qershor të vitit 2021, në një lokal pranë Gjykatës së Tiranës. Çifti Dhurata e Kudret Saliaj, ishin në proces divorci për shkak se kishin mosmarrëveshje, kur ndodhi krimi i rëndë në muajin qershor të vitit të kaluar.
Ai mbërriti në një lokal pranë gjykatës së Tiranës, ku priste të zhvillohej seanca e radhës për divorcin dhe ndodhej në praninë e avokatit të tij si dhe një punonjëseje sociale.
Vjehrri i tij Mexhit Picari pasi e vëzhgoi bashkë me të bijën Dhurata Saliaj, e qëlloi për vdekje dhëndrin, në ngjarje mbeti i plagosur edhe avokati Adriatik Cami.
Prokuroria thotë se babë e bijë organizuan në bashkëpunim krimin e rëndë. Mësohet se për Dhuratën prokuroria ka kërkuar 35 vite burg.
Lini një Përgjigje