FLASH
Shkruar nga Pamfleti
Gjykata e Gjirokastrës ka lënë në burg Nikolin J., i cili akuzohet se ka ngacmuar seksualisht një nxënëse 14-vjeç në Përmet.
Ka qenë 14-vjeçarja, e cila i ka treguar mësueses se shoferi i furgonit e ka ngacmuar dhe madje e ka prekur edhe fizikisht.
Avokatja e shoferit ka kërkuar prej gjykatëses Suela Dashi lirimin me pretendimin se nuk ka prova që e bëjnë fajtor Nikolin J. Por gjykata ka pranuar kërkesën e prokurorisë duke e lënë Nikolin J. në masën burg pa afat. Për palën mbrojtëse të shoferit ky vendim është i papranueshëm dhe kanë paralajmëruar apelimin e tij.
Nga ana tjetër, shoferi Nikolin J., para trupës gjykuese ka ‘kyçur gojën’ dhe nuk ka thënë asnjë fjalë.
Rasti i ngacmimit seksual u zbulua të premten (10 nëntor), kur 14-vjeçarja bëri denoncim në Policinë e Përmetit. Mësuesja e kishte gjetur vajzën duke qarë dhe më pas ajo i ka treguar që shoferi i furgonit e ka ngacmuar seksualisht.
Lini një Përgjigje