FLASH
Shkruar nga Pamfleti
Një 29-vjeçar shqiptar është arrestuar nga policia italiane pasi i gjetën në makinë që ai drejtonte 16 kilogramë kokainë. Ngjarja ka ndodhur në zonën Ponte San Giovanni, Peruxhia, teksa oficerët po kryenin kontrolle.
Ata pikasën një automjet i cili po ecte me shpejtësi dhe në momentin e ndalimit shoferi dukej mjaft nervoz dhe i shqetësuar ndaj kjo bëri që ata të kryenin një kontroll në makinën e tij, shkruan Ansa.
Në fund të bagazhit policët gjetën të fshehura 15 pako me lëndë narkotike kokainë. I riu pa precedentë penalë të mëparshëm akuzohet për veprën penale të posedimit të lëndëve narkotike për qëllime shitjeje.
Me urdhër të prokurorit publik, ai u mbajt në burgun Perugia-Capanne, në pritje të seancës së vlefshmërisë.
Lini një Përgjigje