FLASH
Shkruar nga Pamfleti
Ramazan Kurta dyshohet se është autori i ngjarjes së rëndë që ndodhi mesditën e kësaj të mërkure në Paskuqan, aty ku dyshohet se kanë humbur jetën 2 persona dhe janë plagosur 3 të tjerë.
Në vendin e ngjarjes, një e afërme e familjes së sulmuar nga ish-dhëndri i tyre është shprehur se ish-çifti kishin rreth 7 muaj të divorcuar. Po ashtu, ajo ka thënë se ata kanë një vajzë 4-muajshe.
E afërmja e familjes ka deklaruar se autori i dyshuar ishte i dhunshëm e madje ka thënë se kishte probleme me shëndetin mendor.
"Kanë 7 ose 8 muaj të divorcuar. Kanë një gocë 4-muajshe. Ai ishte… Në burg nuk e di a kishte qenë… Ishte i dhunshëm, ishte me të meta mendore. Goca ka qenë shumë e urtë, është gjynah me i rënë në qafë.", tha një e afërmja e familjes.
Ngjarja e rëndë ka ndodhur në Paskuqan ku ish-dhëndri ka sulmuar familjen e ish-gruas ku dyshohet se viktimë ka mbetur ish-gruaja e tij dhe ish-dhëndrri.
Dyshohet po ashtu për 2 të plagosur.
Alketa Hysa, 36 vjeçe, ish-bashkëshortja e Ramazan Kurtës një nga viktimat e ngjarjes së rëndë që ndodhi sot në kryeqytet.
Plumbat e kallashnikovit të Ramazanit i kanë marrë jetën edhe Etleva Kurtit, motra e Alketës.
Ramazani dhe Alketa ishin ndarë prej disa kohësh për shkak të konflikteve me njëri-tjetrin.
Lini një Përgjigje