FLASH
Shkruar nga Pamfleti
“Policia, policia, asnjë lëvizje”, ishin këto thirrjet që policë me maska bënë gjatë momentit të arrestimit të Kleanthi Bylykut alias Armando Gega, i dyshuar si bashkëpunëtor në vrasjen e Renato Hoxhaj. Krimi ndodhi mëngjesin e 27 prillit në qytetin e Vlorës, ndërsa viktima u qëllua shumë pranë banesës së tij.
Nga një video e publikuar nga policia jepen momentet kur një Audi i bardhë ndalet nga trupa operacionale dhe nga sedilja e pasme nxirret jashtë automjetit Bylyky, i cili ishte me pantallona të shkurtra dhe pa bluzë. Më pas atë e shtrijnë në tokë dhe i vendosen prangat.
Madje, të arrestuarit duket se nuk i japin mundësinë as të veshë shapka, pasi ishte zbathur.
Nga video, policët i kanë drejtuar pistoletat nga Audi, ndërsa një prej efektivëve është i armatorur me një automatik, çka duket se operacionalja ka pasur frikën e një reagimi nga ana e të arrestuarit.
Lini një Përgjigje