FLASH
Shkruar nga Pamfleti
Gjatë kontrollit që polica dhe Forcat RENEA kanë zhvilluar në Vlorë është bërë i mundur arrestimi i 5 personave, të cilët dyshohet se janë shoqëruar për armëmbajtje.
Sipas informacioneve Santiljano Basho është një prej 5 të ndaluarve. Basho është vëllai i një prej të fortëve të Selenicës, Tesi Basho.
Kush është Tesi Basho:
Tesi Basho është një person me rrezikshmëri të lartë, i dënuar në Itali me burgim të përjetshëm për vrasje, si dhe me precedent të theksuar kriminal në Shqipëri, në fushën e krimeve kundër personit dhe në fushën e narkotikëve. Ai ka vrarë dy vajza që ushtronin prostitucion në qytetin e Torinos, një prej të cilëve e shfrytëzonte edhe vetë. Ai ishte arrestuar në vitin 2016 në Itali, por vetëm pak kohë më vonë duke shfrytëzuar transferimit e tij pas tërmetit që "shkundi" Italinë, së bashku me dy shok të tjerë qelia u arratis nga dritarja e burgut, me çarçaf dhe shkopa fshese. Ai ra në prangat e policisë më 16 tetor të vitit 2019.
Kujtojmë se Forcat e Ndërhyrjes së Shpejtë dhe Policia e Vlorës kanë vijuar mbrëmjen e sotme aksionin në kuadër të operacionit “Tempulli”. Gjithashut raportohet se FNSH po kryen kontrolle në Vlorë, Selenicë por edhe në disa fshatra përgjatë Lumit të Vlorës.
Lini një Përgjigje