FLASH
Shkruar nga Pamfleti
Një zjarr ka rënë në një pallat shumëkatësh në lagjen “Gjevdet Nepravishta”, pranë spitalit të Lushnjës. Flakët janë konstatuar fillimisht nga banorët, të cilët, pasi kanë vënë re tymin, kanë njoftuar menjëherë shërbimin zjarrfikës.
Ndërhyrja e shpejtë e forcave zjarrfikëse të Lushnjës bëri të mundur izolimin e flakëve në apartamentin e katit të tretë, duke shmangur përhapjen në banesat e tjera.
Në vendngjarje ndodhet edhe policia, e cila po punon për zbardhjen e plotë të rrethanave. Sipas informacioneve paraprake, dyshohet se pronari i banesës, rreth 40 vjeç, i ka vënë zjarrin në disa zona të apartamentit dhe më pas është larguar.
Sipas burimeve nga policia, dyshohet se 40 vjeçari ka probleme të shëndetit mendor. Aktualisht po punohet për gjetjen e tij, pasi sapo i ka vënë flakën banesës është larguar.
Lini një Përgjigje