FLASH
Shkruar nga Pamfleti
Papa Françesku ka shprehet ngushëllimet e tij pas zjarrit në një klub nate në Maqedoninë e Veriut, ku humbën jetën 59 persona.
Përmes një telegrami të nënshkruar nga Sekretari Kardinal i Shtetit, Pjetro Parolin, Papa Françesku ka shprehur ngushëllimet e thella për familjet e viktimave si dhe afërsinë e tij shpirtërore me të lënduarit.
“Ngushëllime të thella për familjet e viktimave”, thuhet në telegramin dërguar peshkopit të Shkupit Kiro Stojanov.
Në mesin e viktimave ishin 3 të mitur, ndërsa raportohet për 159 të plagosur. Qeveria maqedonase pritet të shpallë 7 ditë zie për shkak të tragjedisë në Koçan, në seancën e sotme në Kuvend, e cila do të mbahet në orën 16:00.
Sipas drejtoreshës se spitalit ne Koçan, viktimat ishin te moshave 14-25 vjeç. Ngjarja ka ndodhur rreth orës 03:00 të mëngjesit të 16 marsit, në një klub nate në Koçan dhe si pasojë e flakëve mbi 159 persona kanë mbetur të plagosur. Në diskotekë ishin rreth 500 të rinj, duke ndjekur një performancë nga një grup muzikor vendas.
Lini një Përgjigje