FLASH
Shkruar nga Pamfleti
Një atentat mafioz ka tronditur Kolumbinë, ku dy vajza 20-vjeçare u ekzekutuan me armë zjarri në orët e para të mëngjesit të së dielës në qytetin Girón, në veri të vendit.
Sipas mediave kolumbiane dhe burimeve policore të cituara nga gazeta “El Tiempo”, viktimat janë Karen Valentina Vega Peralta dhe shoqja e saj Nicole Cristina Amaya Díaz.
Autoritetet dyshojnë se objektivi kryesor i atentatit ishte Karen Valentina Vega Peralta, e cila punonte si modele “webcam” dhe infermiere, ndërsa raportimet flasin për lidhje të saj me një anëtar të organizatës kriminale të trafikut të drogës “Los del Sur”.
Sipas hetimeve paraprake, dy vajzat po ktheheshin pas një daljeje nate kur u ndoqën nga persona të maskuar që lëviznin me motor. Pak çaste më vonë, autorët u ngritën pritë dhe hapën zjarr ndaj tyre në rrugë.
???????? ???? HORROR EN COLOMBIA: Salió de fiesta con su mejor amiga y perdió la vida en un violento ajuste de cuentas.
— MACHI ???? (@arroba_machi) May 26, 2026
Lo que comenzó como una divertida noche de fiesta entre amigos terminó de la manera más oscura posible en el municipio de Girón, al norte de Colombia. Alrededor de las… pic.twitter.com/aOWVciL5Bx
Peralta u qëllua me plumba në shpatull dhe në gjoks, ndërsa trupi i saj mbeti i pajetë në vendin e ngjarjes. Ndërkohë, shoqja e saj Nicole Cristina Amaya Díaz u transportua me urgjencë në spital me plagë të rënda nga armët e zjarrit, por nuk mundi t’u mbijetonte plagëve.
Policia kolumbiane beson se Nicole Díaz mund të ketë qenë një viktimë aksidentale, e kapur në mes të atentatit që kishte si shënjestër kryesore Peraltën.
Pas ngjarjes, autoritetet kanë ngritur një grup të posaçëm hetimor për identifikimin dhe arrestimin e autorëve, ndërsa pista kryesore lidhet me përplasjet mes grupeve kriminale të trafikut të drogës në zonë.
Hetuesit po verifikojnë gjithashtu kontaktet dhe lidhjet e viktimës kryesore me organizatën “Los del Sur”, një grup i njohur kriminal që operon në trafikun e narkotikëve në Kolumbi.
Lini një Përgjigje