FLASH
Shkruar nga Pamfleti
Një 50-vjeçar ka humbur jetën pasi ra nga çatia e një supermarketi. Sipas autoriteteve franceze, viktima nuk kishte lidhje me protestuesit.
Viktima ndodhej në ballkonin e shtëpisë së tij dhe u qëllua nga një plumb qorr.
Franca po kthehet gati në një shtet rrethim. Qeveria franceze ka nxjerrë mjetet e blinduara nëpër rrugë ndërsa është urdhëruar të ndalohen autobusët dhe tramvajet pas orës 21:00 në të gjithë vendin.
Gjithashtu është urdhëruar të ndalohen të gjitha aktivitetet, koncertet që kërkojnë mobilizimin e policisë dhe që mund të paraqesin rreziqe për sigurinë në gjëndjen aktuale në të cilën ndodhet Franca, pas tre netëve të protestave të dhunshme të nxitura nga vrasja e një adoleshenti 17-vjeçar në makinë nga një efektiv policie.
Përse ka trazira në Francë?
Këto protesta vijnë pasi një polic në Francë qëlloi një 17-vjeçar me origjinë algjeriane dhe marokene, të martën e kaluar në Nanterre, në periferi të Parisit. 17-vjeçari Nahel po drejtonte një Mercedes pa patentë nuk është ndalur sipas kërkesës së dy efektivëve. Pas të shtënës, makina ecën disa mera dhe më pas përplaset. Adoleshenti, i quajtur Nahel M, ka ndërruar jetë si pasojë e plagëve të plumbave në gjoks, pavarësisht ndihmës së urgjencës. Oficeri i akuzuar se e qëlloi është arrestuar me akuzën e vrasjes.
Lini një Përgjigje