FLASH
Shkruar nga Pamfleti
Qeveria franceze ka hedhur poshtë akuzat e OKB-së për racizëm midis forcave të rendit, të cilat erdhën pasi një 17 vjeçar u vra nga policia gjatë një ndalimi trafiku.
“Çdo akuzë për racizëm apo diskriminim sistematik në forcat e policisë në Francë është krejtësisht e pabazë”, tha ministria e jashtme.
Më herët, OKB i bëri thirrje Francës që të merret seriozisht me problemet e racizmit dhe diskriminimit racial në zbatimin e ligjit, pak ditë pas vrasjes së adoleshentit nga oficeri i policisë. OKB shprehu gjithashtu shqetësimin e saj për trazirat që shpërthyen në vend pas vdekjes së të riut.
“Ka ardhur koha që vendi të marrë seriozisht problemet e thella të racizmit dhe diskriminimit racial midis forcave të zbatimit të ligjit”, tha Ravina Samdasani, zëdhënëse e Komisionerit të Lartë të OKB-së për të Drejtat e Njeriut, gjatë një konference të rregullt për shtyp nga Gjeneva
Kujtojmë se vrasjae 17 vjeçarit nga policia franceza ka shkaktuar një zemërim të madh në popullatë, e cila prej tre ditësh është ngritur në protestë dhe ka "djegur" kryeqytetin.
Lini një Përgjigje