FLASH
Shkruar nga Pamfleti
Kryeministri i Izraelit, Benjamin Netanyahu, ka urdhëruar Forcat Mbrojtëse të Izraelit (IDF) që të “sulmojnë me forcë objektivat e Hezbollahut në Liban”, sipas një deklarate zyrtare nga zyra e tij.
Ushtria izraelite njofton se operacionet po vazhdojnë në jug të Libanit, duke goditur struktura që, sipas saj, janë përdorur nga Hezbollahu për të kryer sulme ndaj Izraelit.
Në deklaratën e IDF-së thuhet se: “Vendet u sulmuan me qëllim eliminimin e një kërcënimi për ushtarët e IDF-së dhe civilët izraelitë, pas përdorimit të këtyre strukturave nga Hezbollahu për të kryer sulme kundër ushtarëve të IDF-së dhe Shtetit të Izraelit”.
Pamje nga terreni tregojnë tym që ngrihet pas një shpërthimi në fshatin Taybeh në jug të Libanit, raportuar nga agjencia EPA/Shutterstock.
Zhvillimet vijnë në një kohë kur vëmendja ndërkombëtare është përqendruar edhe te diplomacia mes Iranit dhe Shteteve të Bashkuara. Më herët gjatë javës, Presidenti amerikan Donald Trump deklaroi se armëpushimi mes Izraelit dhe Libanit do të zgjatet me tre javë. Megjithatë, të dyja palët Izraeli dhe Hezbollahu, vazhdojnë të akuzojnë njëri-tjetrin për shkelje të marrëveshjes.
Lini një Përgjigje