FLASH
Shkruar nga Pamfleti
Javën e kaluar presidenti francez, Emmanuel Macron zhvilloi një takim në Kinë, ku u prit nga homologu i tij Xi Jinping.
Ai i bëri thirrje për të ‘kthyer Rusinë në tryezën e bisedimeve, si dhe të përdorë ndikimin e tij’.
Mbi këtë deklaratë ka reaguar Kremlini, Dmitry Peskov tha se është ende e vështirë të imagjinohet ndonjë përpjekje ndërmjetësimi.
"Franca nuk mund të ndërmjetësonte një paqe në Ukrainë, sepse ajo është "e përfshirë në mënyrë indirekte dhe drejtpërdrejt në këtë konflikt. Është ende e vështirë të imagjinohet ndonjë përpjekje ndërmjetësimi këtu”, tha Kremlini.
Presidenti i Francës Macron, vizitoi Pekinin me Presidenten e Komisionit Evropian Ursula von der Leyen, e cila tha se pret që Kina të promovojë një paqe të drejtë që respekton sovranitetin e Ukrainës.
Udhëheqësi kinez bëri thirrje për bisedime paqeje, por ai nuk dha asnjë tregues se Pekini do të përdorte levën e tij si partneri diplomatik i Presidentit Vladimir Putin për të bërë presion për një zgjidhje.
Pas një takimi mes treshes, zonja von der Leyen tha se presidenti Xi shprehu gatishmërinë e tij për të folur me liderin ukrainas Volodymyr Zelenskyy ndërsa zoti Xi vazhdon të refuzojë të dënojë Rusinë për pushtimin e saj në shkurt të vitit 2022.
“Ishte interesante të dëgjoja se Presidenti Xi përsëriti gatishmërinë e tij për të folur” me Zelenskyy. Presidenti Xi tha se një bisedë mund të ndodhë kur "kushtet dhe koha janë të përshtatshme", tha Leyen.
Kryeministri kinez nuk përmendi një bisedë të mundshme me Zelenskyy në komentet e tij pas diskutimeve.
Lini një Përgjigje