FLASH
Shkruar nga Pamfleti
Në konferencën për shtyp të Pentagonit, Sekretari i Luftës i SHBA-së tha se i takon Iranit të zgjedhë marrëveshjen me SHBA-në...
Sekretari i Luftës së SHBA-së, Pete Hegseth, ka lëshuar një paralajmërim të fortë ndaj Iranit, teksa i kërkoi të bjerë dakort dhe të bashkëpunojë me SHBA-në, para se të jetë vonë.
Në lidhje me negociatat SHBA-Iran, Hegseth tha se nëse iranianët bëjnë zgjedhjen e gabuar, atëherë do të duhet të përballen si me bllokadën amerikane të Ngushticës së Hormuzit, ashtu edhe me bombardimet.
"Nën drejtimin e Presidentit Trump, ne në Departamentin e Luftës do të sigurohemi që Irani të mos pajiset kurrë me armë bërthamore. Ne preferojmë ta bëjmë këtë në mënyrën e mirë përmes një marrëveshjeje (...) ose mund ta bëjmë në mënyrën e vështirë. Ne i bëjmë thirrje udhëheqjes iraniane të zgjedhë me mençuri", theksoi Pete Hegseth.
Në shumë pika të fjalimit të tij, Sekretari i Luftës i SHBA-së iu drejtua drejtpërdrejt iranianëve në vetën e parë shumës me paralajmërime, ndërsa vuri theksin te fuqia ushtarake e amerikanëve.
Pete Hegseth theksoi se, ndërsa Iranit i pëlqen “publikisht” të pretendojë se kontrollon Ngushticën e Hormuzit, “nuk mund të kontrollojë asgjë”.
Ai vuri në dukje se kërcënimi i Iranit për të qëlluar anijet tregtare “nuk është kontroll, është pirateri”.
Ministri amerikan pretendoi se SHBA-të po zbatojnë një bllokadë “të suksesshme” të Ngushticës dhe po operojnë me “më pak se 10% të fuqisë së tyre detare”.
“Marina e Shteteve të Bashkuara kontrollon trafikun që hyn dhe del nga Ngushticat sepse kemi mjete dhe aftësi të vërteta, dhe e bëjmë këtë bllokadë me më pak se 10% të fuqisë detare të Amerikës. Llogaritja është e qartë. Ne përdorim 10% të marinës më të fuqishme në botë, ndërsa ju keni 0% të marinës suaj. Ky është kontroll i vërtetë”, theksoi Hegseth.
Në fund të deklaratës së tij, Hegseth tha se SHBA-të janë të pajisura dhe "të gatshme për veprim".
Lini një Përgjigje