FLASH
Shkruar nga Pamfleti
Emiratet e Bashkuara Arabe dhe Arabia Saudite kanë raportuar sulme nga Irani gjatë ditës së sotme, sipas deklaratave zyrtare të ministrive të mbrojtjes të të dy vendeve.
Ministria e Mbrojtjes e Emirateve të Bashkuara Arabe bëri të ditur se sistemet e saj të mbrojtjes ajrore janë përballur me të paktën 25 dronë dhe katër raketa balistike të lëshuara nga Irani.
Ndërkohë, Arabia Saudite njoftoi se ka rrëzuar të paktën pesë dronë në pjesën lindore të vendit, përmes një serie postimesh në rrjetet sociale nga Ministria e saj e Mbrojtjes.
Sulmet vijnë në një moment tensionesh të larta në Lindjen e Mesme, ku Irani është përfshirë në veprime ushtarake kundër aktorëve rajonalë në kuadër të konfliktit në zhvillim.
Zgjerimi i goditjeve drejt vendeve të Gjirit shihet si një përshkallëzim i situatës së sigurisë në rajon, duke rritur shqetësimet për një konflikt më të gjerë.
Lini një Përgjigje