FLASH
Shkruar nga Pamfleti
Vajza e kryeministres italiane Gorgia Meloni është kërcënuar me jetë, nëpërmjet mesazhi në rrjetet sociale.
Një përdorues i Instagramit, i cili pretendohet se është punonjës i Ministrisë së Arsimit dhe Meritës (MIM), ka shkruar një mesazh ku i uron vajzës së vogël të Melonit “të njëjtin fat si Martina Carbonaro”, një vajzë nga Afragola që ndërroi jetë pasi u vra nga ish-i dashuri i saj 18-vjeçar.
Ky mesazh u shpërnda dhe u denoncua nga partia Fratelli d’Italia, e cila e cilësoi postimin si “të frikshëm dhe të papranueshëm”.
Kryeministrja Giorgia Meloni reagoi ashpër, e cila tha se kjo tregon një urrejtjeje ideologjike të errët, që i ka kaluar të gjitha kufijtë.
Ajo shtoi se: “Nuk është më thjesht një përplasje politike. Është një klimë dhune që synon edhe fëmijët për të goditur prindërit. Politika duhet të bashkohet për ta ndalur këtë”.
Ministri i Arsimit, Giuseppe Valditara, ka urdhëruar kontrolle për të zbuluar identitetin e autorit të postimit ndërsa theksoi se do të merren masa. “Asnjë tolerancë për dhunën”, tha ai.
Arianna Meloni, motra e Kryeministres dhe drejtuesja e sekretariatit të Fratelli d’Italia, reagoi ashpër në rrjetet sociale: “Sa larg duhet të shkojmë? Dënimi duhet të jetë i fuqishëm dhe unanim. Motrës sime Giorgia dhe mbesës sime, përqafimi im më i ngrohtë”.
Reagime të ashpra pati edhe nga figura të tjera politike: Galeazzo Bignami, president i deputetëve të FdI, kërkoi një “përgjigje të ashpër”, Presidenti i Senatit, Ignazio La Russa, theksoi se “shprehja e urrejtjes ndaj një fëmije ofendon ndërgjegjen”; Ministri i Kulturës, Alessandro Giuli, kërkoi “vigjilencë dhe censurë nga të gjitha institucionet”.
Simona Malpezzi, senatore e Partisë Demokratike, tha se: “Është e pabesueshme që dikush ngacmon një fëmijë për të sulmuar politikisht nënën e saj”. Ndërsa Pierferdinando Casini shtoi se: “Solidariteti për vajzën e kryeministres nuk duhet të jetë lajm – duhet të jetë një normë njerëzore”.
Lini një Përgjigje