FLASH
Shkruar nga Pamfleti
Një vilë luksoze, buzë shkëmbit, me pamje mahnitëse nga një plazh ende i virgjër.
Në segmentin më të bukur të Rivierës Shqiptare, aty ku rruga nga Saranda drejt Ksamilit zbret pranë Plazhit të Pasqyrave, një sy i mprehtë mund të dallojë diçka që nuk shfaqet në asnjë dokument zyrtar.
Një vilë luksoze, buzë shkëmbit, me pamje mahnitëse nga një plazh ende i virgjër. Sipas banorëve të zonës dhe punëtorëve që kanë marrë pjesë në ndërtim, kjo pronë i përket kryeministrit Edi Rama, por ajo nuk gjendet në deklaratat e pasurisë së tij.
Nga dëshmitë e mbledhura, ndërtimi është financuar nga të ashtuquajtur “investitorë strategjikë”, emrat e të cilëve ruhen si sekret shtetëror.
Burime pranë administratës vendore të Sarandës thonë se procedurat për lejen e ndërtimit kanë kaluar “me prioritet” dhe pa asnjë kontroll mjedisor, edhe pse zona është pjesë e një peizazhi të mbrojtur.
Në terren, çdo gjurmë e dokumentacionit teknik është zhdukur, ndërsa vetë punëtorët janë detyruar të nënshkruajnë marrëveshje konfidencialiteti për të mos zbuluar pronarin real.
View this post on Instagram
Kjo nuk është thjesht një shkelje ligjore. Është një abuzim flagrant me pushtetin, ku qeverisja kthehet në një mjet për të privatizuar pasurinë e përbashkët.
E ndërsa qeveria predikon transparencë dhe luftë kundër ndërtimit të paligjshëm, kryeministri ndërton në një nga zonat më të ndjeshme të vendit, duke shkelur çdo parim të shtetit ligjor.
Fakti që kjo vilë nuk është e deklaruar ngre dyshime të rënda për pastrim parash, konflikt interesi dhe korrupsion në nivelet më të larta të qeverisjes.
Në çdo vend europian, një aferë e tillë do të sillte dorëheqje dhe hetime të menjëhershme. Në Shqipëri, ajo thjesht mbulohet nga propaganda dhe heshtja e drejtësisë.
Për aq kohë sa institucionet mbyllin sytë dhe media pro-qeveritare bën sikur nuk sheh, vila e Plazhit të Pasqyrave do të mbetet aty, jo vetëm si një simbol i luksit të paligjshëm, por edhe si një monument i hipokrizisë politike që e ka kthyer korrupsionin në normë dhe jo përjashtim./Infront.al
Lini një Përgjigje