FLASH
Shkruar nga Pamfleti
Ju ftojme te ndiqni Edicionin Informativ me zhvillimet kryesore deri ne kete ore te dites, ku nder te tjera vecojme:
Parlamenti sot: “U mbars mali e polli një mi”
Seanca në Kuvend nisi me tensione, pasi mungesa e kryeministrit Edi Rama solli dështimin e interpelancave të kërkuara nga opozita.
Debatet u zhvendosën më pas te shëndetësia, ku deputeti Saimir Korreshi kritikoi ashpër gjendjen e spitaleve, ndërsa ministrja Evis Sala mbrojti reformat dhe investimet në sistem.
BE hap rrugën për Shqipërinë
Këshilli i BE-së ka avancuar raportin IBAR, ndërsa më 26 maj pritet konferenca ndërqeveritare.
Vendimi shihet si një hap i rëndësishëm në procesin e integrimit europian të Shqipërisë.
Celibashi dhe rasti Hajdari
Kreu i KQZ-së Ilirjan Celibashi është tërhequr nga vendimmarrja për shkarkimin e kryebashkiakut të Kuçovës për shkak konflikti interesi, duke lënë të hapur fatin e tij politik.
Meta–Kryemadhi në fokus të SPAK
Dosja hetimore ndaj Ilir Meta dhe Monika Kryemadhi sjell detaje të reja për mesazhe, blerje luksoze dhe dyshime për përfitime përmes ndikimit politik.
Beqaj, dëshmi në GJKKO
Ish-ministri Ilir Beqaj vijon gjykimin për dosjen “Sterilizimi”, duke kërkuar pushimin e çështjes dhe duke pretenduar shkelje procedurale në hetim.
Martinaj dhe pasuritë e sekuestruara
Babai i Ervis Martinajt dëshmoi në gjykatë për aktivitetin financiar të familjes, ndërsa SPAK kërkon konfiskimin e pasurive të lidhura me të.
Apeli për vrasjen e Arben Bilalit
Gjykata e Apelit ka urdhëruar rifillimin e hetimeve për vrasjen e ish-policit Arben Bilali, duke rikthyer çështjen në fokus pas viteve pa autor të arrestuar.
Kosova – vota e diasporës
Ka nisur votimi me postë për mbi 105 mijë qytetarë në diasporë në 22 shtete të botës, proces që do të zgjasë deri në fillim të qershorit.
BE dhe zgjerimi
Gjermania propozon modele të reja për integrimin e përshpejtuar të Ballkanit Perëndimor dhe Ukrainës, përmes “hapa graduale” drejt anëtarësimit.
Ngushtica e Hormuzit – tension i ri
Irani ka shpallur një zonë kontrolli të zgjeruar pranë Ngushtica e Hormuzit, duke rritur tensionet me Emiratet e Bashkuara Arabe dhe shqetësimet për tregtinë globale të energjisë.
Lini një Përgjigje