FLASH
Shkruar nga Pamfleti
Vendi i Mitsotakist për të kandiduar Belerin në zgjedhjet evropiane ka bërë bujë në mediat perëndimore. Televizioni amerikan “ABC News” shkruan se me këtë lëvizje, Athina po acaron akoma dhe më shumë raportet me Tiranën...
Partia qeverisëse në Greqisë ka vendosur në listën e saj të kandidatëve për eurodeputetë, një politikan të dënuar nga pakica e saj entike në Shqipëri, duke shtuar akoma dhe më shumë tensionet mes dy vendeve.
Fredi Beleri u zgjodh kryebashkiak i qytetit të Himarës në Shqipërinë e Jugut vitin e kaluar, por u arrestua për blerje votash dhe nuk arriti të betohet. Më pas ai u dënua me dy vjet burg në mars.
Politikani ka mohuar akuzat ndaj tij dhe qeveria e Greqisë e quajti paraburgimin e tij të padrejtë, duke kërcënuar se do të bllokonte përpjekjen e Shqipërisë për t'u anëtarësuar në Bashkimin Evropian.
Partia në pushtet Demokracia e Re bëri njoftimin e papritur të hënën vonë, duke lejuar Belerin të konkurrojë në zgjedhjet që do të zhvillohen midis 6-9 qershorit në 27 vendet anëtare. Grekët pritet të votojnë më 9 qershor.
“Beteja që po bëj nuk është personale. Është një betejë për sundimin e ligjit dhe demokracinë”, reagoi Beleri në Facebook të martën.
“Është një betejë për vlerat e përqafuara nga Perëndimi dhe Evropa dhe që duhet të respektohen nga ata që duan t'i bashkohen familjes së madhe evropiane”, u shpreh ai më tej.
Gjashtë vende në rajonin e Ballkanit Perëndimor – Shqipëria, Bosnja, Kosova, Mali i Zi, Maqedonia e Veriut dhe Serbia – janë në faza të ndryshme në procesin e anëtarësim në BE. Kroacia ishte vendi i fundit anëtar i BE-së që u pranua në vitin 2013.
Shqetësimet perëndimore për stabilitetin rajonal të shkaktuar nga pushtimi rus i Ukrainës kanë shtuar urgjencën në procesin e pranimit.
Greqia dhe Shqipëria, një ish-vend komunist dhe një anëtar aktual i NATO-s, kanë një marrëdhënie historikisht të tensionuar.
Athina e ka akuzuar Tiranën se po vepron shumë ngadalë në rivendosjen e të drejtave të më shumë se 100,000 qytetarëve të saj etnikë grekë pas rënies së sundimit komunist në fillim të viteve 1990. Shumë anëtarë të minoritetit kanë punuar në Greqi dhe kanë dy shtetësi. /Përshtati “Pamfleti” nga “ABC News”
Lini një Përgjigje