FLASH
Shkruar nga Pamfleti
Lajme aspak të mira për Realin e Madridit. Shqetësimi që Antonio Rudiger ka shfaqur në stërvitjen e fundit me madrilenët, gjatë paradites së sotme, ka rezultuar shumë më i rëndë nga sa u mendua fillimisht.
Qendërmbrojtësi gjerman, i cili e filloi seancën stërvitore të sotme normalisht, ndjeu shqetësim në pjesën e fundit të kofshës së majtë. Më pas ai nuk u paraqit në listën e skuadrës për sfidën e fundjavës ndaj Real Sociedadit.
Vetëm pak më parë, është konfirmuar se Rudiger është diagnostikuar me një dëmtim në muskulin rektus anterior të këmbës së majtë. Një dëmtim i tillë kërkon të paktën 10-12 javë kohë për t’u rikuperuar.
Mungesa e Rudiger është një problem madhor për Çabi Alonson, pasi gjermani është një lojtar kyç te Reali i Madridit. Makthi i sezonit të kaluar për madrilenët, që ishin dëmtimet e shumta dhe të rënda, duket se po përjetohet edhe këtë sezon.
Lini një Përgjigje