Kristiano Ronaldo është pranë një rekordi që askush nuk do ta dëshironte. Kapiteni i Portugalisë mban aktualisht vendin e dytë për numrin e pozicioneve jashtë loje në historinë e Botërorit.
Ronaldo numëron 23 raste të tilla. Para tij qëndron vetëm Robin van Persie, i cili është kapur 25 herë në pozicion jashtë loje.
Portugezi ka lënë pas Thierry Henry të Francës, i cili e mbylli me 22 pozicione jashtë loje. Deri tani në këtë Botëror, Ronaldo është kapur katër herë në pozicion jashtë loje.
Ndeshja e radhës për Portugalinë do të jetë kundër Kroacisë. Ndërkohë, Portugalia mbetet një nga përfaqësueset pretendente për fitimin e trofeut.
Pozicionet jashtë loje të Ronaldos sipas edicioneve:
Botërori 2026: 4 herë
Botërori 2022: 7 herë
Botërori 2018: 1 herë
Botërori 2014: 3 herë
Botërori 2010: 3 herë
Botërori 2006: 5 herë
Lini një Përgjigje