FLASH
Shkruar nga Pamfleti
Në këtë sezon futbollistik, Rei Manaj po kalon formën e jetës. Sulmuesi shqiptar po bën paraqitje fantastike me fanelën e Sivasporit në elitën e futbollit turk. Në 24 ndeshje të luajtura deri më tani mes Superligës dhe Kupës së Turqisë, Manaj ka shënuar plot 16 gola, duke e bërë pikën kyçe të Sivasporit.
Duke parë performancat e tij të shkëlqyera, e ardhmja e 26-vjeçarit nga Lushnja pritet që në verë të jetë larg ekipit turk. Por këta të fundit nuk do ta lënë të lirë për një shumë të vogël. Kujtojmë që vlera e Manaj në “Transfermarkt”, është 1.4 milionë euro, ndërsa klubi turk kërkon plot 10 milionë euro për ta lënë Manajn të lirë.
Një klauzolë e shumfishuar kjo, që tregon se Sivaspori e ka ndarë mendjen për ta bërë lushnjarin shitjen më të shtrenjtë të historisë.
Manaj është zgjedhur edhe në fomacionin e javësm, pasi ishte protagonist edhe në fitoren e fundit të Sivasporit ndaj Rizespit. Me golin e tij i siguroi 3 pikë skuadrës. Manaj është kthyer në një titullar të padiskutueshëm te Sivaspor.
Aktualisht shqiptari është aktivizuar në 24 ndeshje, ndërsa ka shënuar 16 gola, 12 në Superligë dhe 4 në Kupën e Turqisë.
Lini një Përgjigje