FLASH
Shkruar nga Pamfleti
Përfundojnë dy ndeshjet e para të raundit të 1/16 të Ligës së Kampioneve. Mançester Siti dhe Reali i Madridit kanë bërë detyrën në transfertë, duke mundur përkatësisht Kopenhagenin dhe Lajpcigun.
Kampionët në fuqi të Europës kanë mposhtur me rezultatin e pastër 1-3 skuadrën daneze. Golin e parë të mbrëmjes e realizoi Kevin De Brojne në minutën e 11. Një aksion perfekt i djemve të Pep Guardiolës është finalizuar më së miri nga belgu, i cili shfrytëzoi siç duhej një pasim të Fill Foden, duke e dërguar topin pas shpatullave, të Grabara me një diagonale “të hidhur”.
“Vikingët” e Kopenhagenit qendruan vetëm 24 minuta në disavantazh, ndaj Mançester Sitit, teksa nisën festën e tifozëve të tyre.
Një gafë e kampionëve në fuqi, të Champions League u mjaftoi danezëve, për të çuar topin në rrjetë, me 24-vjeçarin, Magnus Matson, i cili “mbërtheu” një top në hyrje të zonës dhe me një goditje potente mposhti portierin Ederson.
Dominimi i tyre u duk që në minutat e para të sfidës. Pas pësimit të golit të barazimit, djemtë e Pep Guardiolës u hodhën menjëherë në sulm, për të gjetur golin e avantazhit, gol të cilin e gjetën në fundin e 45 minutave të para të sfidës, ndaj “Vikingëve” të Kopenhagenit.
Një top i bllokuar, në hyrjen e mbrojtjes vendase përfundoi në këmbët e “yllit” të mesfushës, Bernardo Silva, me “luzitanin”, i cili dërgoi me një goditje të lehtë topin në rrjetën e Grabar, duke e mbyllur kështu fraksionin e parë të sfidës, në avantazhin 1-2, në favor të kampionëve në fuqi, të UEFA Champions League.
Ndërkaq, në përballjen tjetër, të kësaj mbrëmjeje, Lajcigu është mposhtur në shtëpi nga Reali i Madridit me rezultatin minimal 0-1. Pas përfundimit të një pjese të parë, me shumë raste, por me rezultatin 0-0, “Galaktikët” e Realit të Madridit arritën të gjenin avantazhin, teksa vetëm 4 minuta në fushën e blertë i mjaftuan për të gjetur golin e vetëm të sfidës.
Një aksion individual i yllit të mesfushës, Brahim Diaz u finalizua më së miri nga talenti spanjoll, i cili pasi dribloi bukur mbrojtjen kundërshtare dërgoi topin me një goditje potente, në rrejtën e Gulaksi.
Lini një Përgjigje