FLASH
Shkruar nga Pamfleti
Gjyqi ndaj Dani Alvesh ka përfunduar dhe tashmë ish-futbollisti brazilian po numëron mbrapsht për të marrë vendimin përfundimtar të Gjykatës së Barcelonës, i cili pritet më 27 shkurt.
Kanë kaluar një vit e dy muaj që kur Alvesh është mbajtur në burgun “Brians 2” që kur u arrestua në dhjetor të vitit 2022 për sulm seksual ndaj një gruaje 23-vjeçare në një klub nate në Spanjë.
Gjatë gjithë kësaj kohe, dhe konkretisht nga marsi i vitit 2023, 40-vjeçari kishte punësuar një kompani, e cila menaxhonte dhe kujdesej për imazhin e tij publik, ndërsa kishte marrë përsipër edhe pjesën e komunikimit.
Ndër të tjera, ajo i ka ofruar Alvesh një analizë të detajuar të të gjitha lajmeve të publikuara në Spanjë për rastin e tij dhe ka kontrolluar deklaratat e lojtarit nga burgu.
Megjithatë, sipas “Mundo Deportivo”, kjo kompani e braktisi atë.
Lini një Përgjigje