FLASH
Shkruar nga Pamfleti
Premier Liga ka miratuar ofertën prej 1.3 miliardë paund të Xhim Retklif për të blerë 25% të aksioneve të Mançester United.
Kjo u raportua nga “Telegraph” që njoftoi se kompania “INEOS Sport” në pronësi të biznesmenit anglez, siç përcaktohet nga marrëveshja, do të marrë kontrollin e ‘Djajve të Kuq’, të cilët fituan ndeshjen e tyre të fundit jashtë fushe me Aston Vilën me rezultatin 1-2.
Mançester Junajtid është në shitje që prej sezonit të shkuar dhe në verën e fundit u intensifikua çështja me sheikun e Katarit, Al-Tani që bëri një ofertë të majme prej 5 miliardë paund për 100% të aksioneve të klubit, por u refuzua nga pronarët aktual të familjes Glejzër, të cilët nuk janë të gatshëm të heqin përfundimisht dorë.
Sheiku në gusht u tërhoq nga gara pasi refuzoi të ngrinte ofertën në 6 miliardë dhe në ankand ka mbetur vetëm miliarderi britanik Xhim Retklif.
Megjithatë ky i fundit nuk e ka fuqinë për të bërë një ofertë të tillë për 100% të aksioneve të klubit dhe pritet të marrë fillimisht vetëm një pakicë.
Lini një Përgjigje