FLASH
Shkruar nga Pamfleti
Lojtarët e ekipit kombëtar të futbollit të Nigerisë, që drejtohen nga trajneri portugez Zhoze Peseiro, morën si shpërblim nga një apartament dhe tokë nga presidenti, Bola Tinubu, pavarësisht se humbën finalen e Kupës së Kombeve të Kombeve të Afrikës.
“Nuk është e lehtë të pranosh një humbje (2-1 në finale kundër mikpritësve të Bregut të Fildishtë), veçanërisht kur pritshmëritë janë të larta, por ju treguat sportivitet dhe elasticitet gjatë gjithë turneut”,- tha presidenti Bola Tinubu gjatë ceremonisë së pritjes së 'Super Shqiponjave'.
Pavarësisht humbjes në finalen e së dielës, presidenti nigerian ishte krenar për ekipin dhe i falënderoi ata për punën e mirë të demonstruar, duke u paraqitur lojtarëve formularët për të ndarë pronat e premtuara me efekt të menjëhershëm.
Trajneri i Nigerisë, Zhoze Peseiro, falënderoi presidentin Bola Tinubu për gjestin e tij ndaj futbollistëve dhe deklaroi se, pavarësisht se ishte 60-vjeç, kjo ishte hera e parë që një president e ftonte në shtëpinë e tij.
“Është një nder dhe krenari për mua”,- tha Zhoze Peseiro, duke shtuar se skuadra nigeriane “bëri një punë fantastike dhe tregoi një shpirt shumë të mirë dhe luajti mirë”.
Nigeria humbi finalen e Kupës së Kombeve të Afrikës ndaj Bregut të Fildishtë me rezultatin 2-1, në Abidjan, pasi kaloi në epërsi me një gol të kapitenit Trust-Ekong në minutën e 38, por i lejoi vendasit të riktheheshin, dhe të shënonin me Frank Kesi në minutën e 62 dhe Sebastien Haler në minutën e 81.
President Bola Tinubu shaking the super eagles ????
— Nigeria Stories (@NigeriaStories) February 13, 2024
He even asked for iwobi pic.twitter.com/FjsRAr8BXn
Lini një Përgjigje