FLASH
Shkruar nga Pamfleti
Fundi i pjesës së parë të ndeshjes “play-out” të Kategorisë së Parë mes Kukësit dhe Butrintit është shoqëruar me tension dhe incidente në fushën e lojës, pas një përplasjeje mes futbollistëve të dy skuadrave.
Ngjarja nisi pas një debati mes lojtarit Silva të Butrintit dhe Alison të Kukësit. Ky i fundit reagoi duke goditur me kokë kundërshtarin, në një episod që kujtoi incidentin e famshëm të Zinedin Zidan në finalen e Kupës së Botës në vitin 2006. Futbollisti i Butrintit përfundoi në tokë, ndërsa situata agravoi menjëherë.
Lojtarët dhe stafi i Butrintit protestuan ashpër ndaj veprimit, ndërsa të dy pankinat hynë në fushë duke krijuar momente kaotike. Pavarësisht se episodi ndodhi pranë arbitrit anësor, nuk pati sinjalizim nga ana e tij për një ndëshkim më të rëndë.
Në përfundim të konsultimeve, arbitri kryesor Albert Doda vendosi të ndëshkonte Alison vetëm me karton të verdhë, vendim që shkaktoi reagime nga kampi i Butrintit.
Ndërkohë, në pjesën e dytë, Kukësi kryeson me rezultatin 2-0.
Lini një Përgjigje