FLASH
Shkruar nga Pamfleti
Koha e Kilian Mbape te Reali i Madridit nuk ka qenë aspak ajo që shumë prisnin. Ylli francez, i cili iu bashkua klubit verën e kaluar si pjesa e fundit për të kompletuar një skuadër fituese titujsh, po përballet me kritika në rritje për paraqitjet e tij.
Sfidat e fundit të tij kanë ngritur pikëpyetje të mëdha, sidomos pas humbjes së dy penalltive vendimtare në ndeshje radhazi, që kontribuan në disfatat e fundit të Realit të Madridit.
Ka spekulime të shumta se francezi mund të jetë duke vuajtur për të përballuar presionin që vjen me të luajturit për një nga klubet më të mëdha në botë.
Është interesant fakti që ky shqetësim nuk është i ri. Në shtator, një figurë e njohur kishte paralajmëruar për këto sfida. Bëhet fjalë për Kristiano Ronaldon.
Gjatë një interviste me Rio Ferdinand, portugezi shprehu dyshime mbi aftësinë e francezit për t’u përshtatur me presionin e lojës te Reali i Madridit.
Ai theksoi se Reali i Madridit është një nivel krejtësisht ndryshe krahasuar me PSG-në dhe se nuk ishte i sigurt se si Mbape do t’i përballonte kërkesat mendore të lojës në “Santiago Bernabeu”.
“Do të shohim nëse do ta ketë kokën e qartë dhe nëse do të përballojë mirë presionin, sepse Reali i Madridit nuk është PSG”, kishte thënë Ronaldo.
Ronaldo e pranoi se Mbape është padyshim një lojtar i madh, por ngriti pikëpyetje nëse ai do ta përmirësonte ekipin apo do të përshtatej me kulturën e klubit.
“Mbape shkoi atje (te Reali i Madridit) dhe ju do të thoni, a do të jetë Reali i Madridit më i mirë me të? Nuk e dimë, duhet ta shohim”, shtoi ai.
Ronaldo theksoi se vetëm koha do të tregojë nëse Reali i Madridit do të bëhet më i fortë me Mbape dhe sugjeroi që, edhe pse klubi ka shumë lojtarë të mëdhenj, është e pamundur të parashikosh rezultatin.
“Mendoj se Reali i Madridit do të mbetet i fortë, por nuk e di nëse do të jenë më të mirë se vitin e kaluar. Le të shohim. Vetëm Zoti e di. Por ata kanë një ekip të shkëlqyer, lojtarë të mëdhenj”, përfundoi Ronaldo.
Tani që vështirësitë e Mbape janë bërë të dukshme, duket se komentet e Kristiano Ronaldos po dalin të sakta.
Presioni i të luajturit për një klub si Reali i Madridit, me historinë e tij të pasur dhe pritshmëritë e larta, duket se po ndikon në performancën e yllit francez.
Lini një Përgjigje