FLASH
Shkruar nga Pamfleti
Partizani dhe Egnatia kanë barazuar në supersfidën e javës së 16 të Superiores. Ndeshja e zhvilluar në stadiumin “Arena e Demave”, përfundoi me rezultatin 1-1.
Një nga momentet më të diskutuara të kësaj sfide ishte pretendimi për penallti që kampi i kuq kishte në minutën e 84. Madje kjo situatë kaloi në nervozizmin e trajnerit të Partizanit, Aleksandar Veselinoviç.
Ky së bashku me një nga anëtarët e stafit u futën në fushën e lojës dhe me një tablet në dorë po i tregonin arbitrit të ndeshjes mbi penalltinë e pretenduar. Kryesori i ndeshjes nuk e fali serbin duke e ndëshkuar me karton të kuq.
Veselinoviç më pas u detyrua që të linte stolin dhe të kapërcente sipër në tribunë. Nga aty ai ndoqi pjesën e mbetur të sfidës, që ishte e mbushur me polemika dhe raste të shumta.
Lini një Përgjigje