FLASH
Shkruar nga Pamfleti
Në prag të Kupës së Botës, linja ajrore shtetërore “Aerolineas Argentinas” ka prezantuar avionin special që do të transportojë kombëtaren argjentinase drejt Shteteve të Bashkuara të Amerikës.
I cilësuar nga kompania si “aeroplani më argjentinas në botë”, avioni mbart një dizajn unik kushtuar ekipit kombëtar dhe kapitenit Lionel Mesi. Në bishtin e avionit është vendosur fanela me numrin 10 e Mesit, ndërsa mbi motorë shfaqet shiriti i kapitenit dhe tre yjet që simbolizojnë titujt botërorë të Argjentinës.
Drejtuesi i hangarit, Pablo Da Grava, u shpreh krenar për realizimin e projektit, duke deklaruar se shpreson që ky avion të sjellë në shtëpi Kupën e Katërt të Botës për Argjentinën.
Gjatë zhvillimit të kampionatit, kompania do të kryejë fluturime speciale drejt qyteteve amerikane si Kansas Siti dhe Dallas, ku Argjentina do të luajë ndeshjet e fazës së grupeve.
Pas përfundimit të turneut, avioni do t’i bashkohet linjave ndërkombëtare të kompanisë, duke promovuar ngjyrat argjentinase në destinacione të ndryshme të Amerikës dhe Evropës.
Lini një Përgjigje