FLASH
Shkruar nga Pamfleti
Mesfushori i kombëtares shqiptare, Arbnor Muçolli, ka shënuar sot golin e tij të parë në kampionatin suedez të futbollit, ku luan me fanelën e Goteborgut. Futbollisti shqiptar kishte lënë ekipin e Vejles në Danimarkë për të nisur këtë aventurë të re dhe pas disa ndeshjesh si titullar, më në fund gjeti rrjetën në sfidën ndaj Djurgarden.
Në minutën e 77 të ndeshjes, me shifrat 1-0 për miqtë, ai gjeti momentin e duhur pas një topi të gjatë në zonë për të lëshuar një predhë të pakapshme drejt portës kundërshtare dhe barazoi shifrat.
Një gol që ai e festoi para tifozëve të vet, por jo ashtu siç dëshironte. Kjo, pasi një nga shokët e skuadrës e shtyu duke e rrëzuar në tokë, me Muçollin që e kapi ngërçi në këmbë. Sikur të mos mjaftonte kjo, i njëjti futbollist edhe e goditi me shkelm atë, në shenjë feste, para se një tjetër lojtar të kuptonte problemin e Muçollit dhe t‘i vinte në ndihmë futbollistit të kombëtares shqiptare.
IFK Göteborg kvitterar! Arbnor Mucolli sätter 1-1-målet mot Djurgården! ????⚪
— discovery+ sport ???????? (@dplus_sportSE) August 13, 2023
Se matchen på https://t.co/ocJJkbIhfX pic.twitter.com/atG6yfac4a
Lini një Përgjigje