FLASH
Shkruar nga Pamfleti
Roberto Mancini është larguar nga posti i trajnerit të Kombëtares së Italisë.
Ish-trajneri i Mançester Sitit largohet vetëm dhjetë muaj përpara se mbrojtja e Italisë përpara fillimit të Kampionatit Europian në Gjermani.
Një lajm që i ka kapur të gjithë të papërgatitur, pasi 58-vjeçari kishte kontratë me 4 herë kampionët e botës deri në 2026.
Ish-sulmuesi i njohur, udhëhoqi kombëtaren e kaltër drejt fitimit të Euro 2020. Sukses që erdhi me një grup lojtarësh jo shumë të fortë, por mbi të gjitha falë një futbolli modern dhe të bukur.
Ndërkohë që momenti më i errët ishte dështimi për t’u kualifikuar në Kupën e Botës Katar 2022. I dyti Botëror radhazi ku Italia nuk mori pjesë.
Pikërisht një vit përpara Euro 2024, që do të organizohet verën e ardhshme në Gjermani, Mancini ka dhënë dorëheqjen e parevokueshme.
Aventura tek Italia mbyllet me 61 ndeshje. Mancini ka një eksperiencë të madhe, pasi ka fituar trofe si trajner me skuadra si Inter, Lazio, Fiorentina, Manchester City apo Galatasaray.
Lini një Përgjigje