FLASH
Shkruar nga Pamfleti
Juventusi ka marrë një fitore të rëndësishme në transfertë ndaj Leçes, duke triumfuar me rezultatin minimal 0-1 në sfidën e zhvilluar në stadiumin “Via del Mare”.
Bardhezinjtë e nisën takimin në mënyrë perfekte, teksa gjetën golin që në sekondën e 12-të të lojës. Dushan Vlahoviç përfitoi nga një asist i Andrea Kambiasos dhe dërgoi topin në rrjetë, duke realizuar një nga golat më të shpejtë në historinë e fundit të Serie A.
Sipas statistikave, ky është goli i tretë më i shpejtë në dy dekadat e fundit në elitën e futbollit italian. Rekordi mbahet nga Rafael Leao, që kishte shënuar pas gjashtë sekondash, ndërsa Hirving Lozano renditet i dyti me golin e realizuar pas nëntë sekondash lojë.
Juventusi ishte pranë dyfishimit të rezultatit në minutën e pestë, por goditja e Françisko Konseisaos u ndal nga shtylla. Pjesa e parë vijoi pa shumë raste të rrezikshme dhe u mbyll me avantazhin minimal të skuadrës torineze.
Në fraksionin e dytë, Juventusi arriti të dërgonte topin edhe dy herë të tjera në rrjetë me Vlahoviç dhe Pier Kalulu, por të dy golat u anuluan pas verifikimit nga sistemi VAR për pozicion jashtë loje.
Te Juventusi, Edon Zhegrova u aktivizua në minutën e 83-të, ndërsa Ylber Ramadani ishte titullar dhe luajti gjatë gjithë takimit.
Pas kësaj fitoreje, Juventusi ngjitet në vendin e tretë me 68 pikë, ndërsa Leçe mbetet në vendin e 17-të me 32 pikë.
Lini një Përgjigje