FLASH
Shkruar nga Pamfleti
E vështirë për t’u besuar por e vërtetë. Mançester Junajtid ka pushuar 250 punonjës të tij nga puna. Arsyeja? Klubi anglez ka si objektiv të kursejë afro 50 milionë stërlina dhe kjo që në dy vitet fiskale pasardhëse 2025 e 2026, ndaj duke qenë se koha nuk premtonte, “Djajtë e Kuq” kanë ndërmarrë një masë të tillë, e cila ka shkaktuar shumë reagime edhe në media. 250 persona kanë humbur vendin e tyre të punës, duke shkaktuar shumë pakënaqësi e kosto tepër të lartë për ta dhe familjet e tyre. Një vendim ekstrem që është parë si lëvizje e detyruar nga klubi i Junajtid duke parë situatën e vështirë financiare.
Deri më tani nuk ka patur reagim zyrtar nga klubi, por ajo çfarë dihet me siguri është se Mançester Junajtid po kalon një moment negativ prej vitesh tashmë sa i takon rezultateve sportive në fushën e lojës, por ajo që vërtetë shqetëson tifozët e “Djajve të Kuq” anembanë rruzullit është fakti se klubi është prekur ndjeshëm edhe nga një krizë e madhe financiare.
Lini një Përgjigje