FLASH
Shkruar nga Pamfleti
Një nga ndarjet më të bujshme këtë vit duket se është ajo mes Hiba Abuk dhe Ashraf Hakimit. Pak muaj më parë u bë e ditur se futbollisti ishte denoncuar nga një vajzë 24-vjeçare, e cila kishte shpjeguar në komisariatin francez se lojtari i PSG-së kishte abuzuar me të, teksa aktorja po udhëtonte me fëmijët e saj.
Shtypi bëri jehonë se kjo akuzë ishte një nga shkaqet e divorcit mes Hakimit dhe Abk dhe që prej asaj kohe, mediat kanë ndjekur nga afër procesin e ndarjes mes aktores dhe futbollistit. Kjo është arsyeja pse tani dihet se Hiba Abuk ka mësuar një tjetër nga sekretet më të ruajtura të futbollistit maroken.
Ka qenë media “First Mag” ajo që ka publikuar të rejat më të fundit rreth ish-partnerit në llogarinë e tij në Twitter. Sipas revistës franceze, Hiba kërkoi gjysmën e pasurisë dhe paratë e mbrojtësit të PSG-së, por gjithçka ndryshoi kur aktorja zbuloi se nuk kishte asgjë.
Edhe pse marokeni është një nga futbollistët më të paguar në ligën franceze, asnjë nga këto pasuri nuk është vënë në emrin e tij. Përfituesi i pagës dhe pasurisë së Ashraf Hakimit është as më shumë e as më pak por nëna e tij, proces që lojtari e bën prej disa vitesh. Me fjalë të tjera, më shumë se një milion euro që Hakimi merr në muaj nga skuadra franceze, shkojnë në llogarinë bankare të matriarkut të familjes.
“Kur mbërrita në gjykatë, u befasova kur zbulova se ajo që kisha frikë nuk ishte e vërtetë, zbulova se makina, shtëpitë, miliona pasuri ishin të gjitha të shkruara në emrat e nënës së tij dhe paga e tij. 1 milion euro merr çdo muaj nga PSG, 80% e të cilave ia jep nënës së tij”, tha Abuk.
Sipas gazetës spanjolle “El Pais” në formularin që po plotësonte, aktorja ka kërkuar gjysmën e pasurisë së futbollistit, por është habitur kur ka mësuar të vërtetën.
36-vjeçarja, e cila është 14 vjet më e madhe se bashkëshorti i saj, e çoi atë në gjykatë me shpresën se do të merrte 70 milionë paund.
“Gruaja e Ashraf Hakimit e çoi çështjen e shkurorëzimit në gjykatë dhe kërkoi që ta ndajnë pasurinë dhe ta ndajnë në gjykatë. Kur po zbatohej shkurorëzimi, të dy ranë dakord për ndarjen e pasurisë, por rezultoi se Ashraf Hakimi nuk kishte asnjë pronë dhe asnjë llogari bankare. Kohë më parë, Ashraf Hakimi ka regjistruar pronën e tij me nënën e tij”, tha personi që po ndjek çështjen.
Ashraf Hakimi, filloi të hetohej për dhunë seksuale ndaj një vajze 23-vjeçare. Krimi për të cilin po ndiqet penalisht Ashraf Hakimi besohet se është kryer kur ai e ftoi vajzën në shtëpinë e tij, ndërsa gruaja dhe dy fëmijët e tyre ishin me pushime në Dubai.
Prokurorët francezë hapën një hetim për kryerjen e krimeve më 25 shkurt 2023. Pas denoncimit, më 27 shkurt 2023 nisi hetimi për krimin, pasi vajza kishte paraqitur prova konkrete.
Lini një Përgjigje