FLASH
Shkruar nga Pamfleti
Edi Rama ka dhënë sinjale se nesër në mbledhjen e Pallatit të Brigadave do të ketë zhvillime të forta...
Kryeministri Edi Rama ka paralajmëruar zhvillime nesër në mbledhjen e zgjeruar të Grupit Parlamentar të Partisë Socialiste dhe qeverisë, që do të mbahet në Pallatin e Brigadave.
Përmes një videoje të publikuar në rrjetet sociale, Rama shfaqet duke përgatitur fjalimin që do të mbajë në këtë mbledhje, ndërsa deklaron se do të ndajë reflektimin e tij mbi situatën e krijuar nga protestat.
Në sfondin e videos dëgjohen thirrjet e protestuesve nga bulevardi, mes tyre edhe "Rama, jep dorëheqjen", ndërsa kryeministri ka ndarë pasazhe nga fjalimi, duke dhënë mesazhe të koduara.
"Përshëndetje. Nuk e di a e dëgjoni, kjo është kënga ime e preferuar. Jam duke shkruar fjalën për nesër, në mbledhjen e grupit parlamentar edhe të qeverisë. Dhe desha të ndaj me ju këtë moment sepse kjo orë më jep një, do të thoja që më... ekzalton. Shihemi nesër në paradite, nuk e di orën e saktë, mbledhja fillon në 9 e gjysmë, por do ishte kënaqësi të ndaja me ju të gjithë reflektimin tim mbi pasqyrën e bulevardit të flamingove. Ai që ishte, se ky që ka mbetur është i sorrave dhe i korbave", shprehet Rama.
Mesazhi i Ramës shihet si një sinjal se mbledhja e nesërme mund të sjellë zhvillime të rëndësishme politike, veçanërisht në një kohë kur brenda mazhorancës flitet për ndryshime në kabinetin qeveritar.
“Pamfleti” prej ditësh e ka paralajmëruar se Rama nesër do të ndryshojë qeverinë dhe, sipas informacioneve, do të ketë një ndryshim shumë thelbësor. Po ashtu, nesër mund të ketë edhe ide apo piketa për një plan të ri qeverisës, si një lëvizje e Ramës për të shuar revoltën qytetare.
Prej 54 ditësh me mijëra qytetarë kanë mbushur rrugët e Tiranës kundër kësaj kaste politike, kundër oligarkisë, korrupsionit dhe kapjes së shtetit. Si duket, Ramës i deshën 54 ditë të reflektojë. Të shohim nesër se cilat do të jenë vendimet e tij, por sinjalet janë se mund të ketë "prerje kokash". /Pamfleti
Po dihet qe K/M jep ç'do " koncesion" vetem e vetem mos ç'montohet nga posti. Mos u habisni fare fare. Mendja i punon edhe me AI vetem e vetem te ri ne ate detyre qe i jep perfitime/ adrenaline/ si gjeli maj plehut. Si mund te mendohet qe ai te jape doreheqjen? Naiviteti me i madh. Keni per ta degjuar neser si do aktroj me zerin qe ben sikur i dridhet, fytyren e pafajshme, dhe ....te drejten qe paskeshin protestuesit e " oreve te para". Do thote " kemi bere dhe gabime" dhe asnjehere nuk ka thene se ku ka gabuar? Po dihet qe fjalimet i ben per " katunaret" medemek. Joo per ne qytetaret . Por protestat e :"engjejve" dhe " sorave" lene te kuptohet se Gjenerata Z nuk i ha kto teatrime te Institutit te Arteve ku ai eshte shkolluar. Le te shikojme neser .
Sipas INSTAT, Censi 2023 evidentoi rreth 2.4 milion banorë rezidentë, rreth 420 mijë më pak se në Censin 2011. Ndërkohë, të dhëna të raportuara mbi punësimin në sektorin shtetëror kanë ngritur debat për një nivel rreth 185 mijë punonjësish. Shqipëria po zbrazet, administrata po zmadhohet. Reforma apo kontroll politik? Vendi po humbet njerëz, por shteti po shton peshën e tij. Popullsia është tkurrur shumë gjatë dekadave të fundit. Familje të tëra janë larguar, fshatra janë boshatisur, shkolla janë mbyllur për mungesë nxënësish dhe shumë zona të vendit po përballen me plakje të thellë demografike. Sipas Censit 2023, Shqipëria ka rreth 420 mijë banorë më pak se në vitin 2011. Por ndërsa Shqipëria bëhet më e vogël, aparati shtetëror duket se bëhet më i madh. Debati për numrin e punonjësve publikë, që në disa raportime arrin rreth 185 mijë, ngre një pyetjen: a po ndërtojmë një shtet më efikas, apo një shtet më të rëndë dhe më të kushtueshëm për qytetarin? Një shtet modern ka nevojë për administratë, dhe kjo është e padiskutueshme. Por Shqipëria nuk është më ajo e viteve kur çdo dokument kërkonte radhë në sportele dhe vula nëpër zyra. Sot pjesa më e madhe e shërbimeve publike janë kaluar online përmes e-Albania. Dixhitalizimi u paraqit si mënyra për të ulur burokracinë, për të kursyer kohë dhe për ta bërë shtetin më të vogël e më efikas. Por pyetja themelore është: Pse një vend me më pak qytetarë ka nevojë për një administratë më të madhe? Në një shtet normal, dixhitalizimi duhet të sjellë jo vetëm shërbime më të shpejta, por edhe menaxhim më racional të burimeve. Kursimet nga teknologjia duhet të shkojnë në fusha ku Shqipëria ka nevojë reale: arsim cilësor, shëndetësi më të mirë, mbështetje për familjet dhe investime që ndalojnë emigrimin. Nuk mund të jetë që qytetarit t'i thuhet për "administratë digjitale", ndërkohë që ai sheh një shtet që zgjerohet në kosto. Në këtë pikë hyn edhe reforma territoriale. Kryeministri Edi Rama ka hedhur ide për rishikimin e numrit të bashkive dhe një reduktim të njësive vendore. Një reformë e tillë, a është vërtet një reflektim i nevojës për një administratë më të vogël në epokën digjitale, apo një mënyrë për të rritur centralizimin e pushtetit? Sepse problemi i Shqipërisë nuk është vetëm numri i bashkive. Problemi është mënyra se si funksionon pushteti. Një shtet me institucione të forta nuk ka nevojë të mbledhë gjithçka në qendër. Përkundrazi, një demokraci funksionale kërkon pushtet vendor real, përgjegjësi lokale dhe institucione që u shërbejnë drejtpërdrejt qytetarëve. Kur pushteti lokal dobësohet dhe vendimmarrja përqendrohet gjithnjë e më shumë në qendër, lind shqetësimi se administrata mund të mos shihet më si një instrument shërbimi publik, por si një mekanizëm ndikimi politik. Në një vend të vogël, ku shteti është një nga punëdhënësit kryesorë, kontrolli mbi vendet e punës publike ka një peshë të madhe sociale dhe politike. Kjo është arsyeja pse debati për administratën nuk duhet të reduktohet vetëm në numra. A po ndërtojmë një administratë profesionale, të pavarur dhe të bazuar në meritë, apo një që rrit varësinë e qytetarëve nga pushteti? Një qeveri nuk matet me sa njerëz fut në listëpagesat e shtetit. Ajo matet me sa mirë funksionon shteti me burimet që ka. Një Shqipëri me më pak banorë, më pak nxënës dhe më shumë shërbime online nuk mund të justifikojë një administratë në rritje. Pyetja që bëhet në këtë rast është: a është ndërtuar një shtet që u shërben qytetarëve, apo një administratë që i shërben pushtetit? Nëse një qeveri fillon të besojë se administrata, strukturat dhe centralizimi janë më të forta se pakënaqësia publike, atëherë rrezikon të humbasë kontaktin me realitetin. Asnjë sistem nuk mund të zëvendësojë pafundësisht besimin e qytetarëve. Sot, përballë protestave qytetare dhe kërkesave për dorëheqje, pyetja që ngrihet është: pse nuk tërhiqet Rama? Një kryeministër që ka drejtuar vendin për rreth 13 vite mund të besojë se ka krijuar një strukturë mbështetëse të mjaftueshme për të përballuar edhe pakënaqësinë në rrugë. Protesta është pikërisht momenti kur një pushtet përballet me pyetjen më të vështirë: a ka ende mbështetje reale, apo thjesht ka ndërtuar një mekanizëm që i krijon bindjen se e ka atë? Një kryeministër nuk mbahet në pushtet vetëm nga numri i votave të llogaritura në zyrat partiake. Ai mbahet nga legjitimiteti që i japin qytetarët. Dhe kur qytetarët dalin në shesh, çdo pushtet duhet të dëgjojë jo vetëm numrat, por edhe zërin e rrugës. Qytetarët nuk janë numra.
Korrelacioni midis demokracisë dhe kohëzgjatjes së qëndrimit në pushtet është negativ! Sa më gjatë të qëndroni në pushtet, aq më pak demokratik bëheni dhe aq më shumë shkoni drejt një strukture autokratike. Për të ruajtur një strukturë autokratike në një shoqëri demokratike, duhet të shtoni numrin e "shërbëtorëve" besnikë ndaj strukturës dhe pushtetit tuaj... Shqiperia 16% e fuqisë së përgjithshme punëtore. Në Gjermani është 11,1%, në Japoni 4,4%, në Kore 8,8%. A nuk janë ato të zhvilluara? A e shpjegon kjo fenomenin?
Hiqe ate legenin e bujqesise se ta nxorri bojen, duke bere pazare ne emrin tend o Ram.