FLASH
Shkruar nga Pamfleti
Deri pak orë para mbledhjes së zgjeruar të Grupit Parlamentar të Partisë Socialiste, gjithçka të çonte drejt një riformatimi të qeverisë.
Burime nga mazhoranca flisnin për largimin e disa ministrave, ndërsa edhe vendimi për të shtyrë mbylljen e sesionit parlamentar u interpretua si një lëvizje procedurale për t'i lënë kohë Presidentit të dekretonte ministrat e rinj dhe Kuvendit t'i votonte ata në seancën e radhës.
Por skenari ndryshoi.
Mbledhja e zhvilluar në Pallatin e Brigadave u përqendrua te analiza e punës së qeverisë, deputetëve dhe strukturave të Partisë Socialiste, pa u shpallur asnjë ndryshim në kabinet.
Kjo ka ngritur pikëpyetje nëse kryeministri Edi Rama ndryshoi mendim në orët e fundit, duke pezulluar ose shtyrë riformatimin e qeverisë, i cili deri pak para nisjes së mbledhjes konsiderohej pothuajse i sigurt.
Në këtë panoramë shtohet edhe një tjetër zhvillim. Kryetari i Kuvendit, Niko Peleshi, ka ndryshuar sërish axhendën e punimeve, duke thirrur një seancë plenare më 27 korrik, edhe pse dje në senacë ishte vendosur që Kuvendi të mblidhej më 30 korrik. Sipas informacioneve senca e 30 korrikut u caktua për shkak se pritej votimi i ministrave të rinj, por si duket diçka ka ndryshuar rrugës. Seanca e të hënës do të jetë 'sa për sye faqe'.
Lini një Përgjigje