FLASH
Shkruar nga PamfletiSituata pranë Kuvendit mbetet dinamike, ndërsa priten zhvillime të tjera gjatë orëve në vijim, në kohën kur deputetët pritet të nisin seancën plenare.
“O Pallosh, palloshi gjatë, këtu na ke ditë e natë!”, ‘Rama n’burg, Berisha n’burg!’
Më këtë thirrje, siç ishte paralajmëruar, protesta e 54 po mbahet para Kuvendit, ndërsa deputetët pritet të mblidhen në seancë plenare në orën 10:00.
Policia ka marrë masa të shtuara sigurie, duke blinduar zonën përreth Parlamentit. Gardh metalik është vendosur që nga kryqëzimi i “Rrugës së Elbasanit”, ndërsa hyrjet drejt institucionit monitorohen nga forca të shumta policore. Tubimi ka njohur përshkallëzim të situatës, pasi protestuesit kanë qëlluar me vezë dhe domate në drejtim të efektivëve të policisë. Nga ana tjetër, policia është kundërpërgjigjur me ujë dhe gaz lotësjellës, në përpjekje për të shpërndarë turmën dhe për të mbajtur nën kontroll situatën.
Gjatë tensioneve janë raportuar edhe incidente të tjera. Protestuesit kanë bllokuar qarkullimin e mjeteve pranë kryqëzimit të “Rrugës së Elbasanit”, ndërsa në një moment janë përplasur me efektivët, duke mos lejuar kalimin e automjeteve.
Po ashtu, protestuesit kanë hequr gardhin metalik të vendosur para Kuvendit dhe kanë vijuar të hedhin vezë në drejtim të policisë. Në zonë është afruar edhe autoboti me ujë, ndërsa sipas raportimeve paraprake dyshohet se dy efektivë policie kanë mbetur të lënduar dhe janë shoqëruar me ambulancë për të marrë ndihmë mjekësore.
Në oborrin e Kuvendit është dëgjuar edhe një shpërthim, që paraprakisht dyshohet të ketë qenë kapsollë, ndërsa tensionet mes protestuesve dhe forcave të rendit kanë vijuar.
Më herët, protestuesit u grumbulluan para Parlamentit me thirrjet “Nuk na përfaqësoni”, ndërsa nuk munguan edhe përplasjet mes qytetarëve dhe policisë pranë gardhit metalik.
Ndërkohë nga mazhoranca ka reaguar deri tani vetëm kreu i grupit të PS, Taulant Balla i cili i etiketoi protestuesit si terroristë që ngrenë dorën ndaj Policisë së Shtetit.
Nga ana tjetër, kryetari i PD-së, Sali Berisha shprehu mbështetje për protestën dhe kërkoi shkrirjen e Parlamentit, po paralelisht zgjodhi hyrjen e mbrojtur nga policia për të hyrë në godinë.
“I vetmi akt i përgjegjshëm i tij është të deklarojë fundin e tij, shkrirjen e tij dhe hapjen e rrugës për zgjidhjen që kërkojnë mbarë rinia dhe qytetarët shqiptarë. Çdo akt tjetër është fund e krye i pavlerë, ndaj dhe ne kërkojmë sot vetëshpalljen, shkrirjen e këtij Parlamenti. Ky është i vetmi vendim i drejtë që Parlamenti mund të marrë sot”, tha Berisha.
Në kuadër të zhvillimeve, edhe Ambasada e Shteteve të Bashkuara në Tiranë u ka bërë thirrje qytetarëve amerikanë të shmangin zonat përreth protestës dhe të tregojnë kujdes të shtuar gjatë lëvizjeve në kryeqytet.
Situata pranë Kuvendit mbetet dinamike, ndërsa priten zhvillime të tjera gjatë orëve në vijim, në kohën kur deputetët pritet të nisin seancën plenare.
Mor po kjo eshte cudi e madhe . Mua me kane votuar shqiptaret thote kryeministri. E zeme se po, pamvarsisht se te gjithe e dime se si u bene zgjedhjet. Po shqiptaret o zoteri te kane zgjedhur ne radhe te pare qe te punosh per te miren e tyre. Jo ti japesh 4.2 milione nje njeriu se do ti. Jo te na vjedhesh pasurine kombetare (nuk po i numuroj se jane shume). A e kupton se duhet te punosh per te MIREN E SHQIPTAREVE/? Ti vjedh, ti i mashtron, ti i perbuz dhe ofendon. Ky eshte kulmi. Minimumi te kemi nje parlament me njerez te zgjedhur nga populli qe te pergjigjen para popullit dhe jo para kryetarit te partise. Prandaj njerzit bertasin me te drejte Rama ne burg Berisha ne burg.
Ai do te dale te firma qe hodhi populli e te justifikoje firmen per shitjet e trojeve Shqiptare e keshtu muhabeti behet kashte e koqe.